Isa sa pinakamagandang lugar na aming napuntahan ay ang isla ng Catanduanes sa Bicol. Kilala ito bilang "The Land of the Howling Winds" dahil madalas itong bisitahin ng bagyo. Ngunit kahit ilang beses pa ito daanan ng bagyo ay nananatili ang kagandahang taglay nito.
Madalas nating marinig ang lugar na ito dahil sa balita sa TV tuwing may dumadalaw na bagyo sa Pilipinas. Ngunit ang hindi alam ng karamihan ay ang kagandahang itinataglay nito. Kilala ang Catanduanes dahil sa makasaysayang mga simbahang hanggang ngayon ay dinadalaw ng mga turista. Tanyag din ito sa mga pagkaing maaanghang at niluto sa gata. At dahil sa masarap na pagkain at magagandang tanawin, siguradong makukumpleto ang bakasyon mo.
How to get there:
Mula sa Manila, sumakay kami ng eroplano. Halos isa't kalahating oras din ang byahe. At kung ikaw naman ay mahilig sa road trip, maari ring maabot ang isla ng pampribadong sasakyan o di kaya ng mga bus sa loob ng 12 na oras papunta ng Tabacco, Albay at muling sasakay ng barko papunta sa isla ng Catanduanes sa loob ng 3-4 na oras.
Related Article: Travel Guide: How to Go to Catanduanes
At nang makarating kami sa paliparan ng Virac, kung saan ito ang sentro ng probinsya, sumakay kami ng tricycle papunta sa bahay na aming tutuluyan. Buti na lang marami kaming kakilala rito at nakalibre kami ng matitirahan. :)
Ilan sa mga napuntahan namin at ang mga dagat, talon, mga simbahan at makasaysayang lugar na nagpapakita kung gaano kasarap manirahan sa probinsyang ito.
Mula sa Manila, sumakay kami ng eroplano. Halos isa't kalahating oras din ang byahe. At kung ikaw naman ay mahilig sa road trip, maari ring maabot ang isla ng pampribadong sasakyan o di kaya ng mga bus sa loob ng 12 na oras papunta ng Tabacco, Albay at muling sasakay ng barko papunta sa isla ng Catanduanes sa loob ng 3-4 na oras.
Related Article: Travel Guide: How to Go to Catanduanes
At nang makarating kami sa paliparan ng Virac, kung saan ito ang sentro ng probinsya, sumakay kami ng tricycle papunta sa bahay na aming tutuluyan. Buti na lang marami kaming kakilala rito at nakalibre kami ng matitirahan. :)
Ilan sa mga napuntahan namin at ang mga dagat, talon, mga simbahan at makasaysayang lugar na nagpapakita kung gaano kasarap manirahan sa probinsyang ito.
Matatanaw ang napakagandang paglubog ng araw habang inienjoy namin ang napakagandang dagat sa Mamangal. Isang barangay sa Virac, na nagmimistulang paraiso dahil malapit ito sa baybayin at karagatan.
Sa kalapit na barangay ay matatagpuan din ang Amenia Beach Resort na dindayo ng mga turista dahil sa pinong baybayin na swak na swak sa pag skim boarding. Napakaputi at pino ng buhangin at nagmimistulang little Boracay dahil sa ganda ng dagat.
Sa kalapit na barangay ay matatagpuan din ang Amenia Beach Resort na dindayo ng mga turista dahil sa pinong baybayin na swak na swak sa pag skim boarding. Napakaputi at pino ng buhangin at nagmimistulang little Boracay dahil sa ganda ng dagat.
Mamangal Beach, Virac
Binisita rin namin ang isang dagat na pagmamay-ari ng pamilyang Sosa na matatagpuan sa Igang, Virac. Nagenjoy kami dito dahil maliban sa malalakas na hampas ng alon, natutunan din naming mangisda sa tulong ng mga lokal dito.
Sa bayan ng ng Bagamanoc ay matatagpuan ang isang kakaibang atraksyon na kung tawagin ay "Buto ni Kurakog" o nangangahulugang "ari ni Kurakog" dahil sa kakaibang hugis nito. Nakakatuwa ring malamang ang mga kwento at alamat kung paano ito nagmula.
Buto ni Kurakog, Bagamanoc
Maliban sa mga beach resorts ay pumunta rin kami sa mga talon at ilog na kilala sa Catanduanes. Isa ang Sto. Domingo River sa pinapasyalan ng mga tao dahil sa malamig na tubig nito na nagbibigay ginhawa tuwing tag-init. At sino ba naman ang hindi matutuwa sa mga naglalakihang punong nakapalibot dito?
Sto. Domingo River, Virac
Binisita rin namin ang Maribina Falls na sobrang sarap magbabad dahil sa preskong tubig. Ito rin ang tanging talon na napakadaling marating ng mga tao.
Maribina Falls, Bato
At ang mga pinagmamalaking pasyalan ay ang mga simbahang pinaniniwalaang mahiwaga dahil sa iba't ibang makakabalaghang nangyari. Isa ang Batong Paloway dito dahil sa lumalaking bato na nagkakaroon ng mukha ni Birheng Maria.
Batong Paloway, San Andres
Ang Luyang Cave naman ay ang binibista ng mga tao tuwing Mahal na Araw. Mamamangha ka na ito ay nagsisilbi nang isang mahalagang lugar maging sa ating mga ninuno. Ngayon, pinapangalagaan ito dahil naging bahagi na ito ng pamamanata ng mga Catandunganon.
Luyang Cave, San Andres
At sa sentro ng Virac ay matatagpuan ang public market na kung saan ito ang pangunahing pinagkakalakalan ng produkto ng isla. Marami pang maaring puntahan tulad ng mga restoran at ibang pasyalan.
Virac Public Market
Ilan lamang ito sa lugar na aming maibabahagi sa ngayon. Ngunit sa dinami-daming napagakaagndang pasyalan sa Catanduanes, kulang ang limang araw na pananatili para maikot mo at malasap ang tunay nasarap ng probinsya.
Sobra kaming nag-enjoy at amin pang ibabahaging muli ang mga lugar na aming mga pinasyalan sa lugar na kilala bilang The Land of the Howling Winds, ang Catanduanes!
