Painit ng painit ang panahon. Ngunit, hinding hindi kami magpapatinag dito! Sinulit namin ang summer para libutin ang isla ng Catanduanes. Dito namin nakilala ang isang beach resort na tamang-tamang pasyalan ngauong tag-init. Ito ang Amenia Beach Resort sa Palawig sa bayan ng Virac.
Ano pa ba ang hahanapin mo sa isang dagat kundi ang mapuputi at pinong buhangin nito, kasabay ang nagsasayawang mga puno na nagbibigay ng preskong simoy ng hangin. Siguradong wala nang sasarap pa upang lasapin ang buhay kapiling ang kapaligiran. Napakasarap din pakinggan ng pagaspas ng mga alon sa tabing dagat kasabay ang mga ibong nagliliparan sa asul na kalangitan.
Related Article: Summer Getaway At Twin Rock Beach Resort, Catanduanes
Related Article: Summer Getaway At Twin Rock Beach Resort, Catanduanes
Hindi na namin kailangan pang gumastos ng mahal para masulit ang bakasyon. Dahil sa Amenia Beach Resort ay maari mo nang maranasan ang lahat sa halagang 10.00 pesos lang para sa entrance fee. At para masmakamura ay magbaon na kayo ng mga pagkain para sa grupo. Nagkakahalagang 200.00 - 300.00 pesos din ang cottages na kasya na para sa 10-15 na tao. Kung gusto nyong magpalipas ng gabi, may mga cottages din na may mga kwarto na nagkakahalagang 500.00 pesos.
Kasabay ng paglasap sa ganda ng Amenia Beach Resort ay ang Red Horse na magbibigay ng konting init at kasiyahan. Hindi mawawala ang alak mga katripapips sa anumang okasyon di ba? Kaya uminom muna kami para itodo ang saya.
At ang lalong nagpasaya sa aming paggala ay ang aming mga munting kaibigang nakilala. Ang mga chikiting na nagsasaya din sa kanilang pagligo. Kaya syempre, nagpapicture na rin kami sa kanila dahil nakakatuwa silang kasama.
Sa sobrang pag-ienjoy namin, hindi na namin namalayan na palubog na pala ang araw. Ngunit sa pagtatapos ng araw na iyon ay hindi naman kami nalungkot dahil napakaganda ng sunset sa tabing dagat. nagmistulang ginto ang tubig at buhangin dahil sa sinag ng araw. Ang sarap sa pakiramdaman na minsan mo ring naranasan ang napakagandang paglubog ng araw.
Isa itosa mga paglalakabay na tunay naming naenjoy. Isang trip kasama ang kalikasan at masasabi naming wala nang hihigit pa sa saya kapag kapiling mo ang kalikasan. Hindi naman naging ganun kakulit ang trip namin ngayon, pero sobrang naging masaya kami sa kakaibang karanasan na siguradong aming uulitin at babalikan.
