Pula, dilaw at berde ang kulay na nangingibabaw sa isang lugar sa Sabah, Malaysia at ito ang Tadika Peak Nam Toong. Hindi man gaanong napupuntahan ng mga turista dahil sa tago ang lugar, isa pa rin ito sa mga dapat bisitain kapag pumunta sa Kota Kinabalu. Ang Peak Nam Tong ay isang Buddhist temple na matatagpuan Ridge Zone, Kepayan.
Una naming napansin ang templong ito ng minsan kaming naglibot sa lugar na malapit sa aming tinitirahan. Sino ba naman ang hindi makakapansin sa ganda ng kulay nito na nagmistulang kendi sa aming mga paningin. Agaran kaming nagkayayaang tumungo dito at halos patakbo kami habang bumababa sa sasakyan. Excited ang lahat at kanya kanyang nagpose at nagpapicture sa templo.
Related Article: Places to Visit in Kota Kinabalu, Malaysia
Related Article: Places to Visit in Kota Kinabalu, Malaysia
At sa tingin nyo ba papahuli kami? Ang totoo nga ay kami pa ang naunang nagpapicture sa labas pa lang ng templo. Talagang mamamangha ka sa ganda nito dahil kakaiba ang imprastraktura nito at kaaya-aya ang kulay. Isang tradisyunal na Chinese architecture ang makikita dito. Makikita rin sa labas ang mga Chinese scrypts at paitings. Pinasok namin ito at tiningnan pa ang mga kakaibang laman nito. First time kasi namin itong makapunta sa ganitong lugar kaya sinamantala na namin ang pagkakataong maranasan ang nasa loob ng isang templo.
Pagpasok ay sumalubong saamin ang isang malaking paso na may mga abo. Ito ang lagayan ng mga sinusunog na insenso o kaya mga joss sticks. Pagpasok namin ay makikita ang altar na kung saan naandoon ang iba't ibang imahe ng kanilang sinasamba.
Isang napakataas na pagoda ang matatagpuan sa labas pero sayang at hindi ito bukas para sa mga turista. Sa paglilibot namin, naghanap kami ng maaring tanungin na tao tungkol sa templo, ang kasaysayan nito, ang importansya nito sa mga tao at paano ginawa ngunit wala kaming nakitang pwedeng tanungin. Isa mamang naglilinis lang ang aming nadatnan kaya hindi kami nagkaroon ng pagkakataong magtanong. Kami lang pala ang tao doon. Ang katahimikan ng lugar din ang nagpaalala saamin na ang lugar ay sagrado. Isa itong sambahan at malahagang lugar sakanilang relihiyon.
Isang napakataas na pagoda ang matatagpuan sa labas pero sayang at hindi ito bukas para sa mga turista. Sa paglilibot namin, naghanap kami ng maaring tanungin na tao tungkol sa templo, ang kasaysayan nito, ang importansya nito sa mga tao at paano ginawa ngunit wala kaming nakitang pwedeng tanungin. Isa mamang naglilinis lang ang aming nadatnan kaya hindi kami nagkaroon ng pagkakataong magtanong. Kami lang pala ang tao doon. Ang katahimikan ng lugar din ang nagpaalala saamin na ang lugar ay sagrado. Isa itong sambahan at malahagang lugar sakanilang relihiyon.
Namangha rin kami ng pasukin namin ang isang pinto sa gilid ng altar. Natagpuan namin ang napakadaming tableta na may litrato ng mukha at mga nakasulat sa letrang Intsik. Hindi namin maintindihan kung ano ito. Kapansinpansin din ang mga tsaa, prutas at pagkaing nakahain sa mesa sa gitna nito. Isa raw itong tradisyon bilang paghandog o tinatawag na "offerings" para sa mga iba't ibang diyos, espiritu at mga ninuno.
Dahil sa panibago naming nabisitang lugar, niyaya pa namin ang iba naming kasama. Kinabukasan ay bumalik ulit kami para maipakita rin sa iba ang kagandahan ng lugar.
 |  |
Dito namin napatunayan na may kabuluhan din pala ang paglalakwatsa ng wala sa plano. Nagkaroon kami ng pagkakataong matuklasan ang isang magandang lugar na tulad nito. Naging sulit na sulit ang pagbisita namin sa Kota Kinabalu, Malaysia dahil sa magagandang lugar na aming binista. Dahil dito, maslalo naming natututunan ang kultura at tradisyon sa bawat lugar at nagiging makabuluhan ang aming bawat paglalakbay.
