Isa sa pinagmamalaki ng Catanduanes ay ang Twin Rock Beach Resort. Kaya hindi na namin sinayang ang oras para bisitahin ang lugar na hindi kami binigo sa kagandahan. Isa ito sa mga dahilan kung bakit sobra kaming nag-enjoy sa isla ng Catanduanes.
Kumpleto ang aming bakasyon hindi lang dahil sa dami ng adventures kundi higit sa lahat ay abot kamay mo ang mga magagandang tanawin. Matatagpuan ang resort na ito sa Igang, Virac, Catanduanes.
Related Article: Buto ni Kurakog: a journey to the tale of Bagamanoc, Catanduanes
Related Article: Buto ni Kurakog: a journey to the tale of Bagamanoc, Catanduanes
How to get there:
Mula sa Virac Domestic Airport ay 15 minutos lang ang byahe para marating ang Twin Rock Beach Resort, at ng 30 minutos mula sa Virac seaport lulan ng pampribadong sasakyan. Maaring magrenta ng tricycle sa halagang 150-200 pesos sa isang byahe.
Nasa barko ka pa lang ay matatanaw mo na ang kagandahan ng mapuputing buhangin at ng mga nakahelerang mga puno at kubo. Mapapansin mo rin ang dalawang naglalakihang bato na nagmimisulang kambal.
Mula sa Virac Domestic Airport ay 15 minutos lang ang byahe para marating ang Twin Rock Beach Resort, at ng 30 minutos mula sa Virac seaport lulan ng pampribadong sasakyan. Maaring magrenta ng tricycle sa halagang 150-200 pesos sa isang byahe.
Nasa barko ka pa lang ay matatanaw mo na ang kagandahan ng mapuputing buhangin at ng mga nakahelerang mga puno at kubo. Mapapansin mo rin ang dalawang naglalakihang bato na nagmimisulang kambal.
Nakilala ang Twin Rock Beach Resort dahil sa dalawang malaking batong nagdidikit tuwing low tide. Dito hinango ang pangalawan ng lugar at totoong mamangha ka sa kagandahan nito.
Sa halagang 50.00 pesos na entrance fee ay maari mo nang maikot ang buong resort. Nagkakahalagang 500.00 -1000.00 ang mga rooms na maaring tuluyan kung gusto mo ng mahaba habang bakasyon. 200.00 - 300.00 pesos din ang cottages na swak na swak sa pamilya o barkada kung gusto nyo ng masisilungan. Pero bakit ka pa gagastos kung pwede ka naman sumilong sa ilalim ng puno. At iyon ang ginawa naming magtripapips.
At ang una naming ginawa pagkarating ay ang ikutin ang buong resort. Nilibot namin ang buong dagat habang low tide. Nilakad lang namin ang baybayin hanggang marating namin ang tinatawag nilang Twin Rock. Nakakatuwang masilayan ang iba't ibang hayop na naninirahan sa karagatan. May starfish, sea urchin, sea cucumber, lobster at marami pang iba.
At pagkatapos naming mag-ikot ay dumayo kami sa isa lugar na may diving board. Dito madalas pumupunta ang mga tao dahil kahit anong oras ay maari kang maligo dito. Sa mala-asul na tubig, sino ba naman ang hindi mapapa-dive sa ganda nito.
Maliban sa magagandang tanawin bilang atraksyon ng resort ay mayroon din silang iba pang adventures na maaring subukan. Isa rin sa dinadayo ng mga tao ay ang zipline, kayak, obstacle course at ang ATV. Sinubukan namin ang zipline at sobra kaming nag-enjoy.
Kaya mga tripapips, hindi na natin kailangan magpakalayo pa. Marami tayong lugar na siguradong mashigit na maganda pa kaysa sa iba. At bago pa matapos ang araw, sinulit na namin ang aming ligo.
 |  |
Pagkatapos naming umikot at maligo sa resort ay nagpahinga kami, inom ng Red Horse habang nanunuod ng TV. Sigurado sa pagod at konting alak ay mahimbing na tulog.
At dito nagtatapos ang kwento ng isang araw naming paglalakbay sa Twin Rock Beach Resort! Isang napakasayang karanasang hindi namin malilimutan. At sana sa susunod ay kasama na kayo sa aming Road Trip. Hanggang sa muli mga Tripapips!
