Sa isang baryo sa San Andres, Catanduanes ay buhay na buhay ang kwento ng isang misteryosong bato na kung tawagin ay "Batong Paloway." Sa katunayan, kabilang na ito sa kasaysayan ng mga lokal na tao sa San Andres. Sa ngayon, isa ito sa mga sikat na simbahan at isang destinasyong dinadayo ng mga turista sa isla.
Sa isang maliit na lugar sa isla ng Catanduanes, bantog ang kwento ng isang bato na may imahe ng Birheng Maria at habang kalaunan ay lumalaki ang batong ito at unti-onting lumilinaw ang nakaukit na imahe. Dahil dito, pinapaniwalaang ito ay makakabalaghan at sa katunayan, isa ito sa mga binibisitang simbahan ng mga Catandunganon.
Related Article: Marem Pension House: your home in Catanduanes
Mula sa Virac, tumungo kami sa bayan ng barangay ng Batong Paloway sa San Andres. Umaabot ng 30 minuto ang byahe pero bago kami dumiretso ng Batong Paloway ay dumaan muna kami sa kweba ng Luyang. Maaari itong marating ng mga pampublikong sasakyan tulad ng jeep o bus patungo sa Pandan mula sa Virac. Ngunit masmasarap pa rin kung may dala kayong sariling sasakyan dahil masmakikita nyo ang iba't iba pang magagandang pasyalan tulad ng Sto. Doming River.
Related Article: Marem Pension House: your home in Catanduanes
Mula sa Virac, tumungo kami sa bayan ng barangay ng Batong Paloway sa San Andres. Umaabot ng 30 minuto ang byahe pero bago kami dumiretso ng Batong Paloway ay dumaan muna kami sa kweba ng Luyang. Maaari itong marating ng mga pampublikong sasakyan tulad ng jeep o bus patungo sa Pandan mula sa Virac. Ngunit masmasarap pa rin kung may dala kayong sariling sasakyan dahil masmakikita nyo ang iba't iba pang magagandang pasyalan tulad ng Sto. Doming River.
Ang kwento ng Batong Paloway ay nagmula pa noong taon 1896, habang si Paciano Sucao at ang kanyang nakababatang kapatid na si Fermin Sucao ay namumulot ng mga punong kahoy. Habang binibiyak nila ang kahoy ay may biglang lumabas na bato mula dito. Ang batong ito ay nagpagaling ng maraming taong may karamdaman. Dahil dito kaya nakilala at dinayo ng iba't ibang tao ang milagrosong batong ito. Itinayo ang maliit na kubo bilang tahanan ng Batong Paloway at kalaunan ay naging isang malaking simbahan, ang Church of Our Lady Of Sorrows - Our Lady of Batong Paloway na ipinagdiriwang ang kapiyestahan tuwing ika 12 at 13 ng Disyembre. Sa ngayon, marami pa rin ang naniniwala at nananampalataya dito. Hindi lang ito isang destinasyon ng mga turista kundi isang importanteng lugar din sa mga Catandunganong naniniwala sa kapanggyarihan ng bato.
Pagpasok sa simbahan ay makikita sa gitna ang altar na kung saan nakakahon ang Batong Paloway. Maaaring malapitang makita dahil bukas ito sa publiko. Ito rin ang dahilan kung bakit maraming tao ang dumadalaw dito. Noong natagpuan ito, ang orihinal na laki nito ay 3/4 cm x 1cm. Sa ngayon ay umaabot na ito sa 6cm x 8cm at maaari nang makita ng mga mata kahit walang gamit na lente. Ayon sa mga tao, habang lumalaki ang bato ay unti-onti ring nabubuo ang imahe.
Nakakamangha ang bato dahil detalyadong detalyado ang imahe ni Birheng Maria ang makikita dito. Makinis ang bato at pantay na pantay ito, isang napakagaling na obra kumbaga ang gumawa nito. Buhay na buhay ang imahe na tila nakikipag-usap saiyo. Matapos namin itong suriin ay nagsindi kami ng kandila at dasal kami sa altar sa gilid nito.
Nakakamangha ang bato dahil detalyadong detalyado ang imahe ni Birheng Maria ang makikita dito. Makinis ang bato at pantay na pantay ito, isang napakagaling na obra kumbaga ang gumawa nito. Buhay na buhay ang imahe na tila nakikipag-usap saiyo. Matapos namin itong suriin ay nagsindi kami ng kandila at dasal kami sa altar sa gilid nito.
 |  |
Pauwi na kami ng biglang hindi gumana ang aming sasakyan at tulungtulong kaming nagtulak nito. Hahaha. Hindi naman kami ganuon nahirapan at kaagad naman itong umandar! Patuloy ang aming pag-iikot ikot sa bayan ng San Andres.
Dahil sa pagod na aming naranasan habang naglilibot (at nagtulak ng sasakyan) ay nakadama kami ng matinding gutom. Buti na lang ay may mga paniderya na matatagpuan sa daan. Nakakatuwa ang mga tinapay dahil sa kakaibang mga desinyo at anyo nito. At malaiban dito, ang pan de coco ay sobrang sarap at hindi malilimutan ang lasa nito habang mainit pa!
Saan man magpunta mga ka-Tripapips, huwag kalimutang gawin itong kakaiba, ispesyal, makabuluhan, masaya at isang tunay na karanasan! Ang aming trip sa Batong Paloway ay isa lang sa masasabi kong simple ngunit kakaiba dahil sa iba't ibang mga kaganapan. Masaya at marami kaming natutunan!
