Nakilala ang Remington Hotel dahil maliban sa mura ito ay patuloy ang kanilang pagpapa-unlad ng serbisyo sa mga panauhin. Sa katunayan ay pinaganda nila at ginawang moderno ang ibang kwarto at apartment dito upang bigyang prayoridad ang maskomportableng pananatili ng mga panauhin.
Kilala ang Remington Hotel bilang isang no-frills hotel, dahilan kung bakit mababa ang presyo nito kumpara sa ibang hotels. Ngunit hindi dahil walang amenities tulad ng swimming pool at iba pa ay hindi ka na maaring mag-enjoy dito. Sa dinami dami ng mga shops na nakapalibot dito tulad ng Newport Mall ay tiyak magsisiyahan ka saiyong pananatili dito. Ito rin ang naging dahilan kung bakit maging ang mga dayuhan ay paborito itong tuluyan tuwing bumibisita sa ating bansa.
Read: Chillaxing at The Puzzle Mansion Bed 'n Breakfast, Tagaytay City
Read: Chillaxing at The Puzzle Mansion Bed 'n Breakfast, Tagaytay City
Sa pagdating ng Mayo, may mga pagbabagong inihanda ang Remington Hotel para sa lahat. Ipinakilala nila ang bagong bukas na mga kwarto. Dinaluhan at nasaksihan ang pagbubukas na ito ng iba't ibang travel agencies, media at mga bisita. Isa lamang ito sa kanilang hakbang para panatilihing maganda ang kanilang serbisyo.
Ang Remington Hotel ay matatagpuan sa Newport Boulevard, Newport City, Pasay City. Malapit ito sa Ninoy Aquino International Airport (Terminal 3) at halos limang minutong lakad ito sa St. Therese Church at Villamor Airbase. Kung gusto mong maglibot, may mga libreng shuttles din dito patungo sa iba't ibang parte ng Maynila. Pwede ring umarkila ng kotse ang mga bisita upang tuklasin ang lugar. Mag-ienjoy rin kayo sa R Bar sa araw-araw na buffet breakfast dito.
Ang Remington Hotel ay matatagpuan sa Newport Boulevard, Newport City, Pasay City. Malapit ito sa Ninoy Aquino International Airport (Terminal 3) at halos limang minutong lakad ito sa St. Therese Church at Villamor Airbase. Kung gusto mong maglibot, may mga libreng shuttles din dito patungo sa iba't ibang parte ng Maynila. Pwede ring umarkila ng kotse ang mga bisita upang tuklasin ang lugar. Mag-ienjoy rin kayo sa R Bar sa araw-araw na buffet breakfast dito.
Nagcheck-in kami sa kanilang Standard Room. Mayroon itong dalawang queen size na kama na kayang magkasya ang isang pamilya at syempre airconditioned ang kwarto. Maliban dito ay may isang maliit na CR at shower room. Ilan pa sa mga kabilang dito ay ang 32 inch na tv, wifi sa buong hotel, telephone, built-in cabinets at vault para sa mahahalagang gamit nyo. Dahil masgusto naming gumala at mag-ikot sa mga nakapalibot ditong mga shops, bars at malls, okey na okey na saamin ito.
Pero kung ang hanap nyo ay ang maskomportable at maskumpleto ay bagay sainyo ang bagong bukas nilang Serviced Apartment. Hindi tulad ng standard room, ito ay mayroong mga kagamitan at kasangkapan para sa masmasayang pananatili dito. Mayroon itong isang queen size na kama, sofa na maaring gamiting kama kung may bisita, kitchenette, mini-bar, dining table, complimentary food at marami pang iba. Nagtatampok ang mga banyong en suite ng mga hot-water shower at libreng toiletry rin.
Ngunit maliban sa mga kwartong ito, mayroong ispesyal na kwarto rin para sa mga PWD. Ispesyal ito dahil ginawa ito para sa mga may kapansanan at karamdaman. Para itong standard room ngunit dalawang single bed ang matatagpuan dito, masmalawak ang kwarto at banyo. Nakakatuwa dahil ngayon lang kami nakapunta sa hotel na binibigyang halaga ang mga may kapansanan.
Sa kabuuhan, naging maayos ang aming pananatili sa Remington Hotel. Nakakatuwang halos lahat ng mga tao dito ay babatiin ka tuwing nakaksalubong mo sila. At higit sa lahat, napakatahimik at mausisa sila pagdating sa seguridad ng bisita. Hanggang sa uulitin. :)
Remington HotelNewport Boulevard, Pasay Airport Area, Pasay City
Phone: +63 2 908 8000 local 7770
Email: reservation@rwmanila.com
Website: http://www.rwmanila.com
Remington HotelNewport Boulevard, Pasay Airport Area, Pasay City
Phone: +63 2 908 8000 local 7770
Email: reservation@rwmanila.com
Website: http://www.rwmanila.com
