Muling napuno ng katatawanan at walang humpay na kasiyahan ang aming gabi ng aming matunghayan ang pagtatanghal ng Silly People’s Improv Theater (SPIT), ang premiere improvisational theater troupe ng ating bansa sa kanilang kakaibang palabas sa pagdiriwang ng kanilang ika-sampong anibersaryo. Kanilang inihandog ang MANILA IMPROV FEST 2012: The First Philippine International Improv Festival sa Quantum Cafe, Makati.
Kakaiba ang kanilang palabas dahil kasama ang buong tropa ng SPIT at mga manunuod sa kulitan at sa iba't ibang paraan ng pang-aaliw tulad ng kantahan, sayawan, palaro at kung anu-ano pa tulad ng sikat na British at American show na “Whose Line Is It Anyway?”
Nakisama sa kulitan ang ating Tripapips na si Jong bilang isang hurado sa beauty pageant ng kakaibang uring nilalang na ginampanan ng mga aktor ng STIP. Nagpatalbugan ang bawat isa sa kanilang mga sagot na mamimilipit ka sa sakit ng tiyan sa kakatawa.
Nakisama sa kulitan ang ating Tripapips na si Jong bilang isang hurado sa beauty pageant ng kakaibang uring nilalang na ginampanan ng mga aktor ng STIP. Nagpatalbugan ang bawat isa sa kanilang mga sagot na mamimilipit ka sa sakit ng tiyan sa kakatawa.
At hindi lang kami ang nakisali sa kulitan kundi ang iba ring mga nanunuod na talaga namang nakakamangha rin ang mga ginawa. Bata man o mantanda ay siguradong matatawa sa kanilang mga eksena.
Kabilang din sa malaking selebrasyon ay ang pagtatanghal ng mga sikat at mga bigating aktor ng SPIT na nagmula sa iba't ibang lugar tulad ng Cebu,Bacolod, Xiamen, Beijing, Hong Kong, Taichung at Los Angeles.
Ilan sa mga mapapanuod nyo ay ang mga makukulit at talagang magpapatawa sainyong mga aktor na nagsisipagtagisang talino, nagtutunggali sa talento at umaapaw ang sense of humor.
Ilan sa mga mapapanuod nyo ay ang mga makukulit at talagang magpapatawa sainyong mga aktor na nagsisipagtagisang talino, nagtutunggali sa talento at umaapaw ang sense of humor.
Ilan sa mga paburito naming eksena ay ang pagmamala-boy pick up ng bawat isa. Ngunit hindi ito tulad ng karaniwang banatan dahil kailangan dito ang mabilis na pag-iisip, ang tamang tiyempo sa musika at ang kakaibang pick-up lines na talagang swak na swak sa takilya.
At hindi pa dyan nagtatapos ang kanilang pagpapasiya sa mga manunuod dahil maaari nyo pa ring masaksihan ang masayang pagtatanghal ng SPIT sa Quantum Café sa 9590 Kamagong St. corner Bagtikan St. sa Makati City. Kaya habang hindi pa huli ang lahat, bisitahin nyo na ang masayang barkada ng SPIT kasama syempre ang iyong pamilya at buong tropa.
Makigulo na rin kayo para maranasan nyo ang kakaibang kasiyahan kasama ng barkada ng SPIT! Kung kayo ay may problema, siguradong mapapawi ito dahil patok na patok ang bawat jokes ng mga ito. Kaya ano pa ang hinihintay nyo, maki-SPIT na mga Tripapips!
 | Silly People’s Improv Theater Facebook: www.facebook.com/spitmanila Twitter: www.twitter.com/spitmanila Website: www.spitmanila.com Phone: 09152952033 (Tetel De Leon) |
