Kumusta mga ka-tripapips?! Alam nyo ba kung saan matatagpuan ang isa sa pinakaaktibong bulkan sa Pilipinas at kilala sa buong mundo dahil sa perpektong hugis nito? Ito ay ang Daraga, Albay at isa sa pinakabinibisitang lugar ng mga turista dahil dito matatagpuan ang Bulkang Mayon. At sa isang hindi inaasahang pagkakataon ay nakarating kami sa Cagsawa Ruins kung saan makikita mo ng malapitan ang napakagandang tanawin ng Bulkang Mayon.
Papunta kami ng Catanduanes sa Bicol. Ang flight namin ay mula Manila hanggang Legazpi lang dahil mahal na ang direct flight papuntang Virac, Catanduanes. Syempre, gusto rin namin makamura at makatipid. Kailangan pa naming sumakay ng barko mula Tabaco papunta sa Catanduanes. At dahil kailangan namin maghintay ng limang oras bago umalis ang barko, sinamantala na namin iyon para makapagbisita sa isang pinagmamalaking tanawin ng Albay at nang buong bansa, ang Mayon Volcano.
Sa eroplano pa lang ay matatanaw mo na ang kagandahan ng Mayon Volcano. Perfect cone nga daw sabi nila. At dahil dito naging most scenic airport ang Legazpi Airport sa buong bansa. Isang oras din ang byahe ng eroplano para makarating sa Legazpi. At pakalapag ng eroplano ay dalian na kaming nagtungo sa Cagsawa Ruins, Daraga. Sobrang gandang pagmasdan ng bulkan. Napakalaki pala sa malapitan.
Sinamantala na naming magpapicture. At sinubukan naming patayin ang sindi ng bulkan, inihipan at inihian. Pero nanalantay pa rin ang pambihirang ganda nito. Totoo ngang perpekto ang bulkan na ito.
 |  |
At marami ring tindahan ng mga pasalubong sa paligin nito. Sa katunayan nga, papunta pa lang kami sa paruruonan ay may nabili na kaming pasalubong. Marami kang pagpipiliang pasalubong na depende rin sa budget mo. May mga bags na yari sa abaca, t-shirts na tatak Bicol at at mga keychains na sili na kung saan kilala ang mga Bicolano dahil sa siling labuyo.
Pagkatapos naming mag-ikot sa iba't ibang tindahan at mamili ay nilibot na namin ang Cagsawa Ruins Park. Matatagpuan pa dito ang lumang simbahan na kung saan natabunan ito ng mga alikabok nung pumutok ang bulkan sa taong 1814. Makasaysayan ang simbahang ito dahil ito ang naging tahanan ng mahigit sa 1,200 katao nung panahong iyon. Sa kasamaang palad, nilamon ng lava ang mga ito at walang nakaligtas. :)
Napakasaya ng aming pamamasyal sa Cagsawa Ruins Park. Isang hindi malilimutang araw iyon para saamin. Hahaha. Behave pala kami ng mga panahong iyon. Walang masyadong kalokohan. Kung sa bagay, nasa simbahan naman kami kaya dapat good boy kami. :)
 |  |
At hindi pa diyan nagtatapos ang aming adventrues. Marami pang makukulit na trip ang ishi-share namin. Isa ang trip namin sa Cagsawa Ruins Park ang masasabi naming masaya at walang katulad. Sampong piso lang ang pamasahe sa jeep plus entrance fee sa park, pero walang katumbas ang tuwang naibigay nang makita namin ang higanteng bulkan ng Mayon. Sama kayo samin next time ha!?
