Tuwing Abril o Marso, ipinagdiriwang ng mga Kristiyano ang Semana Santa. Ang Pilipinas, bilang isa sa bansang Kristiyano ay isa ito sa pinakaimportanteng bagay na idinadaos taon taon. Ito ang panahon para gunitain ang pagsakripisyo ni Hesukristo at pagsalba nya sa sambayanan sa kanilang mga kasalanan. Panahon din ito para humingi ng kapatawaran, pagsasakripisyo at paggawa ng kabutihan sa paniniwalang sa ganitong paraan ay mababawasan ang ating mgakasalanan.
Dahil panahon ng Semana Santa ngayon, hindi namin pinalampas na lumipas lang ang Mahal na Araw na hindi namin nagugunita ang totoong kahulugan nito. Ito ay pagpapaalala sa atin lahat nang sakripisyo ni Jesus Christ para tayo ay maligtas. At dahil doon, minarapat naming bisitahin ang mga kalbaryo para gunitain ang Mahal na Araw.
Sinuyod namin ang Barangay Poblacion sa Makati para mag-Visita Kalbaryo dahil kasama na sa ating kultura na tuwing Mahal na Araw ay may mga kalbaryong itinatayo. Madaling araw namin binisita ang mga magagandang kalbaryo doon na nagpapakita ng iba’t-ibang Stations of the Cross. Kitang kita ang ginugol na oras ng mga tao doon sa paggawa ng bawat kalbaryo.
Maririnig mo sa bawat kalbaryo ang mga taong kumakanta ng pabasa kahit bata o matanda. Nasa tono man o wala ang pagkanta nila ng pabasa, dedma sila dahil mas mahalaga na gawin ang ganitong tradisyon tuwing Semana Santa.
Bawat kalye doon ay may kanya-kanyang itinayong kalbaryo kasali na rin ang bawat organisasyon ng barangay. Halos wala kaming pinalampas na kalbaryo doon dahil nakakamagnet ang bawat kalbaryong nakikita namin. Bawat kalbaryo, napansin namin ang mga listahan ng mga tao at pamilyang nagbigay ng donasyon sa bawat kalabaryo maging mga kilalang pulitiko.
Ipinakita nila ang mga kaganapan lalong lalo na ang kamatayan at resurrection ni Hesukristo. Kahit na madaling araw na noon ay marami pa ring tao ang hindi nag-atubiling bisitahin ang mga kalbaryo doon para magdasal.
 |  |
At hindi lang yun ang nagpasaya ng aming gabi. Marami rin kaming nakilalang mga deboto na naglilibot din tulad namin.
Pasikat na ang araw nang matapos kami sa pagbisita sa barangay. Nakakapagod at nakakagutom. Ngunit hindi yun naging dahilan upang hindi namin maenjoy ang trip namin. Sobrang naenjoy namin ang trip na iyon dahil naramdaman namin ang kahulugan ng Semana Santa at masasabi naming isa ito sa ipinagmamalaki naming kultura at tradisyon ng Pilipino at sa makahulugang paggunita natin kay Hesukristo.
Napakagaan sa pusong makita ang mga tao na nagkakaisa sa paggunita ng Semana Santa. Iba't ibang paraan man natin ito ipinagdiriwang, ang mahalaga ay may iisang hangarin tayo at iyon ay ang paghingi ng kapatawaran sa ating mga kasalanan.
Napakagaan sa pusong makita ang mga tao na nagkakaisa sa paggunita ng Semana Santa. Iba't ibang paraan man natin ito ipinagdiriwang, ang mahalaga ay may iisang hangarin tayo at iyon ay ang paghingi ng kapatawaran sa ating mga kasalanan.
