Ang masarap na pagkain ay dapat hindi mawawala kung ikaw ay naglalakbay. Kaya saaming pagtungo sa The Puzzle Mansion ay nagtala kami ng mga iba't ibang pagkain na dapat nyong subukan. Matatagpuan ito sa Purok 4 Cuadra St. Barangay Asisan, Tagatay City.
1. Breakfast - Tulad ng kanilang sinabi, ang almusal sa The Puzzle Mansion Bed 'n Breakfats ang kanilang pinerpekto para balikbalikan ito ng mga turista. Hindi naman kami binigo ng masarap na mga pagkain dito tulad ng mga inihaing mga pagkaing Pinoy saamin. Ngunit maliban dito, maari ka ring mamili ng iba pang pagkain tulad ng mga American Breakfast at iba pa.
Read: Chillaxing at The Puzzle Mansion Bed 'n Breakfast, Tagaytay City
Read: Chillaxing at The Puzzle Mansion Bed 'n Breakfast, Tagaytay City
2. Bibingka - Hindi mo na kailangang hintayin bago ang pasko para makatikim ng masarap na bibingka dahil dito, araw araw ay hahainan ka ng mainit at bagong luto ng bibingka. Malalasahan mo ang espesyal na lasa nitong pinaghalong tamis at alat kasabay makremang lasa ng pinudbod na niyog.
3. Puto Bumbong - Takam na takam kami sa puto-bumbong dahil sa bango nito at sa kaaya-ayang kulay. Creamy at sakto ang tamis kaya hinding hindi ka mauumay dito. Syempre, masarap ito partneran ng mainit na chocolate o kaya malamig na softdrinks para sa pang merienda.
4. Barbeque at Kebab - Isa ito sa paborito naming pagkain dito dahil hindi ordinaryo ang panlasa nito. Maihahambing namin ito sa barbeque ng Aristocrat ngunit napakaswak neto sa budget. Sa halagang 40 pesos ay maari mo na itong matikman.
5. Buko Cream Pie - At syempre kung hanap mo ay panghimagas pagkatapos kumain, tikman ang pinagmamalaki nilang Buko Cream Pie. Nag-iisa lamang ito sa Tagaytay kaya ito ay kadalasang dinadayo ng mga tao dito. Ito rin ang paboritong pasalubong ng mga bumibisita dito kaya kami rin ay nag-uwi ng isang box nito. Maaring bilhin ito sa halagang 50 pesos bawat slice o kaya 350 pesos sa bawat buong box.
Hindi nyo dapat palagpasin ang mga pagkaing ito kapag kayo ay bumisita sa The Puzzle Mansion. Maliban sa magagandang tanawin at makasining na adveture dito ay dapat nyo ring pagbigyan ang inyong mga dila upang tumikim ng mga katakam na takam na pagkain. Ilan lamang ito sa mga pagkain dito na dapat nyong masubukan. Huwag kalimutang laging gawing masaya ang Food Trip! :)
