Ang pinakaaabangang pasiklaban ng makukulay na sayawan ay muling idinaos sa taunang Aliwan Festival noong ika-10 ng Abril, 2012 sa kahabaan ng Roxas Boulevard. Ito ang ika-sampong taon ng pagdiriwang kung saan nagsasama sama ang iba't ibang mananayaw sa iba't ibang probinsya ng Pilipinas upang ipakita ang kanilang kultura at itaguyod ang kanilang lugar sa pamamagitan ng sayaw. Ang Aliwan Festival 2012 ay inorganisa ng Manila Broadcating Company at ng Cultural Center of the Philippines sa tulong ng lungsod ng Maynila at Pasay.
Ang Aliwan Festival ay taunang ginaganap na nagpapakita ng iba’t-ibang festivals sa buong Pilipinas kung saan ang mga kasali ay naglalaban ng kanilang sayaw, floats at pambato nila para sa beauty pageant. Ang bawat probinsiya ng Pilipinas ay may kanya-kanyang representative para sa pagdiriwang na ito para ipakita ang kultura nila sa kanilang lugar.
Alas dos ng hapon nagsimulang pumarada ang mga bonggang floats at mga pinakamahuhusay mananayaw ng bawat probinsiya ng Pilipinas. Dumadagundong na tambulan at kantahan ang maririnig mo sa buong Roxas Boulevard habang ang mga manunood ay nakabalandra sa gilid para magpicture ng mga mananayaw at floats. Astig!
Dedma sa kainitan ng araw ang lahat dahil minsan lang sa isang taon lang ginaganap ang magarbong pagdiriwang na iyon. Tagaktak man ang pawis ay di kami nagpahuli sa mga tao doon para kunan ng litrato ang mga bawat pumaparadang mga mananayaw.
Ang mga kasali ay pumarada mula Quirino Granstand papuntang CCP complex kung saan mangyayari ang competition ng sayaw, floats at beauty pageant.
Ang mga kasali ay pumarada mula Quirino Granstand papuntang CCP complex kung saan mangyayari ang competition ng sayaw, floats at beauty pageant.
Isinama namin si Tripapips Mike (tropa mula pa college) at ang kaibigan niyang si Charles dahil sabi niya noong High School daw siya ay sumasali daw siya dito at isa siya sa mga mananayaw ng probinsiya niya sa Ilocos. Madalas daw manalo noon ang Ilocos sa competition na ito lalo na daw pagdating sa pabonggahan ng floats. Sabi pa niya, ang mga gumagawa at nagdedesign ng float nila noon ay mga landscape artists at engineer. Angas! Natatawa kami dahil gusto namin mapahiya si Mike kapag pumarada na ang float ng probinsiya nila.
Well, sa lahat ng mga nagbobonggahang floats na nakita namin, hindi niya naman kami binigo at masasabi nga naming yung sa probinsiya nga nila ang pinakamaganda. Kami ang nabigong pahiyain at asarin si Mike sa pagkakataong iyon kaya pinuri nalang namin siya imbes na asuhin.
 |  |
Tinapos namin mula umpisa ang lahat ng mga kasali sa Aliwan Festival. Dahil na rin sa kapaguran ay di na namin pinanood ang competition na gaganapin sa CCP.
Bonggang enjoy kami sa pagsaksi sa Aliwan Festival at siguradong babalik kami sa susunod na taon para makigulo at makisayaw ulit sa competition na ito. Kita-kita tayo doon next year mga katripapips ha?
Bonggang enjoy kami sa pagsaksi sa Aliwan Festival at siguradong babalik kami sa susunod na taon para makigulo at makisayaw ulit sa competition na ito. Kita-kita tayo doon next year mga katripapips ha?
