Halos mapaglipasan na ng panahon ang kwento ng isang masayang foodtrip namin sa isang restaurant sa Sampaloc, Manila. Matagal-tagal na rin ito bago nangyari, ang aming hindi inaasang foodtrip sa Seoulia Korean Restaurant na matatagpuan sa St. Francis Square sa Sampaloc, Manila.
Sa sobrang hilig namin kumain, halos wala na kaming pinipiling restoran na mapupuntahan. Kapag swak ito sa budget, sige lang ng sige. Pero kailan kaya kami maglilevel up, yung tipong sa iba't ibang mamahaling hotel at restaurant na kami nag-aalmusal, nanananghalian at naghahapunan araw araw. Hahaha. Ngunit syempre bago yan, marami pa rin kaming masasayang dining experience kung saan saan. Naniniwala kaming wala yan sa kung gaano kamahal ang iyong kinakain, sumasarap at nagiging memorable ang pagkain depende sa mood at kasama mo.
Hindi na namin maalala kung bakit kami nagtagpo sa Sampaloc. Basta noong oras na iyon ay parehong gutom ang Tripapips at napagtripang kumain sa malapit na Korean Restaurant dito, ang Seoulia. Pagpasok mo sa St. Francis Square ay bubungad na sayo ang nag-iisang Korean restaurant na ito. Nakakatuwang marinig ang pagbati saamin sa lenggwaheng Koryano.
Hindi na namin maalala kung bakit kami nagtagpo sa Sampaloc. Basta noong oras na iyon ay parehong gutom ang Tripapips at napagtripang kumain sa malapit na Korean Restaurant dito, ang Seoulia. Pagpasok mo sa St. Francis Square ay bubungad na sayo ang nag-iisang Korean restaurant na ito. Nakakatuwang marinig ang pagbati saamin sa lenggwaheng Koryano.
Oras na para sa chibugan. Umorder kami ng Beef Bulgogi at Bibimbap. Ang bulgogi ay isang pagkaing kilala bilang pampalusog sa mga Koreano na nangangahulugang "karneng maapoy". Kadalasang hango sa karneng baka o karneng baboy ito.
Ang pagkaing bibimbap naman ay nangangahulugang ng "halo-halong bigas" dahil pagkaing inihahain mula sa isang mangkok na naglalamn ng mainit na mainit na bigas na mayroong ginisang gulay sa ibabaw at dinadagdagan ng itlog at hiniwang karne.
Ngunit maliban sa Bibimbap at Bulgogi na inorder namin ay naenjoy din namin ang iba't iba pang pagkain dito. At syempre ang sari saring banchan na isinilbi saamin. Ilan sa mga ito ay kimchi, pickled radish, fish cake, potato salad at marami pang iba. Syempre ang masaya dito ay unlimited ito at maari kang humingi ng paulitulit. :)
Kung nais nyo rin magfoodtrip dito, tingnan lamang ang mga detalye sa ibaba. Syempre, dapat kayo rin ay masubukan ang Korean restaurant an ito. Hanggang sa susunod na foodtrip!
Seoulia Korean Restaurant
St. Thomas Square
1150 Espana Blvd. cor. Padre Campa St. (Morayta)
Sampaloc, Manila
Seoulia Korean Restaurant
St. Thomas Square
1150 Espana Blvd. cor. Padre Campa St. (Morayta)
Sampaloc, Manila
