Ang Batangas ay kilala bilang isang lugar kung saan matatagpuan ang naggagandahang mga dagat at pinunpuntahan ng mga tao para magbakasyon. Kaya para suriin ang tunay na kagandahan nito ay dumayo kami sa isang lugar na hinango ang pangalan sa isang hayop na kung tawagan ay "lobo," at ito ang Lobo, Batangas.
Madalas dalawa lamang kaming naglalakbay sa iba't ibang lugar ngunit sa pagkakataong ito, kasama namin ang ibang Tripapips namin. Siguradong isang masayang paglalakbay na naman ito dahil maliban sa mararating namin ang isang magandang lugar ay kasama pa namin ang aming mga kaibigan.
Halos aabot din sa tatlo hanggang apat na oras ang byahe patungo sa Lobo, Batangas mula sa Manila. Pero wala namang dahilan para maboro ka sa byahe kapag kasama mo ang iyong makukulit na barkada. Kantahan, asaran at walang humbay na kwentuhan ang aming ginawa habang bumabiyahe. Maari mo ring pagmasdan ang nagbeberdehang mga halaman sa tabi ng daan.
Halos aabot din sa tatlo hanggang apat na oras ang byahe patungo sa Lobo, Batangas mula sa Manila. Pero wala namang dahilan para maboro ka sa byahe kapag kasama mo ang iyong makukulit na barkada. Kantahan, asaran at walang humbay na kwentuhan ang aming ginawa habang bumabiyahe. Maari mo ring pagmasdan ang nagbeberdehang mga halaman sa tabi ng daan.
Late na rin kaming nakaalis ng Maynila kaya halos maggagabi na kami nakarating sa aming destinasyon. Malugod kaming tinanggap ng mga kapamilya ni Titan sa kanilang bahay at para umpisahan ang unang gabi namin sa Lobo ay sinimulan na namin ang inuman. Naghain na kaagad ng masasarap na pulutan tulad ng papaitang kambing, sisig at iba't ibang inihaw.
Malapit sa aming tinutuluyan ay matatagpuan ang palengke na kung saan matatagpuan dito ang mga preskong gulay at prutas. Pagkagising namin ay agad-agad na kaming tumuloy sa palengke para makapamili ng maaring dahil sa dagat. Ano pa't dumayo kami sa Batangas kung hindi namin mararanasan ang kanilang pinagmamalaking mga dagat.
Hindi kalayuan sa aming tinitirahan ay matutunton mo na ang dagat. Naglakad lang kami papunta sa dagat bitbit ang aming mga gamit at pagkain. Pagkakita pa lang namin sa dagat ay talagang namangha kami sa gandang taglay nito. Hindi ito tulad ng ibang resorts na may magagandang kwarto pero kakaiba ito dahil bukas ito para sa lahat ng tao.
Dito mo makikita ang ganda ng ng tunay na kalikasan. Nai-enjoy mo ang karagatan kasabay ng iyong pagpuri sa naggagandahang kabundukan.
Pagdating namin sa cottage oramismong nilatag na namin ang aming mga baong handa. Siyempre alak (PAK!) hindi yan mawawala. Kumbaga special dessert na yan kapag may get together lalo na kung sa harap ka ng magandang beach sabay mo pa ang perfect weather. HAHAHA! Inilabas na rin namin ang aming mga baong pagkain. Napakasarap ng mga preskong prutas na aming dala.
Makikita mo rito kung gaano kasaya ang lahat ng tao sa dagat. May mga naglalaro, may mga nag-aawitan, may mga nagtatakbuhan at kung anu-ano pa. Nagmimistulang isang kapiyestahan sa karagatan nung panahaong iyon.
WOOOOW! Iba talaga ang sarap kapag kasama ang tropa mo sa beach. Lalo na kapag sasabayan pa ito ng summer heat. Hindi bale ng masunugan ka ng balat sa init eh kung every summer mo lang naman mararanasan yun at wala naman kapares ang saya na trip kapag swimming ang usapan.
Napakasarap pagmasdan ng kapaligiran. Simula pagbangon ng araw hanggang sa paglubog nito ay anong sarap sa pakiramdam. Maririnig mo ang tawanan ng mga tao kasabay ng mga huni ng mga hayop sa paligid. dito mo maiisip na marami tayong dapat ipagpasalamat.
Inabot na kami ng dilim kaya may mga sulo na sinindihan sa harap ng cottage namin. ASTEEEG! Parang survivor ang datingan ng trip na ito! HAHAHA! Hindi na kami masyadong lumangoy sa dagat dahil nga madilim na. Kaya imbes na lumangoy kami, pinagtripan nalang namin yung mga sulo sa paligid namin.
At matapos ang gabing puno ng trip at aksyon ay nagpahinga muna kami. Hanggang kinabukasan, isang panibagong umaga habang nasa dagat ang sumalubong saamin. Hindi pa kami nagpapapigil kaya muli naming nilasap ang dagat ng Lobo, Batangas. Pero sa pagkakataong ito ay lumipat naman kami ng pwesto.
Matapos ang trip namin sa dagat ay naghanda na kami para bumalik na sa Maynila. At bago pa namin makalimutan ang lahat ay namili kami ng mga Sampalok para pampasalubong. Maliban sa naggagandahang dagat ay kilala din ang Lobo sa Sampalok at Atis.
Sobrang nagpapasalamat kami kay Titan at sa pamilya niya na malugod kaming inimbita sa kanilang probinsya. Sabi niya nga balik daw kami doon. Well, siguradong babalik kami dahil hindi lang namin basta naenjoy yun, sobrang minahal din namin ang lugar nila.
