Kilala bilang "The Whale Shark Capital", ang Donsol ay isang maliit na bayan ng Sorsogon na nagtataglay ng isang kayaman na nagmula sa karagatan, ang Butanding. Ang whale shark o butanding ay isang malaking hayop sa karagatan na umaabot sa 15 metro o lagpas pa ang haba ngunit sa laki at lakas nito ay nananatiling maamo at ligtas sa mga tao. Dahil dito, ang Donsol ay naging isa sa mga destinasyon ng turista sa ating bansa.
Sa pag-iikot namin sa Bicol, hindi na namin pinalagpas pa ang Donsol, Sorsogon para masilayan ang kagandahang taglay nito. Mula sa isla ng Catanduanes ay sumakay kami ng barko patungo sa Tabaco, Albay. Tatlo hanggang apat na oras ang byahe at pagkarating namin doon ay sumakay kami ng van patungo sa terminal ng mga sasakyan papunta sa Donsol. Ilang oras din ang byahe ngunit maaaliw ka sa iyong mga nasisilayan sa daanan tulad naggigintuang mga palay bukid sa gilid ng kalsada habang natatanaw din ang kagandahan ng Bulkang Mayon.
 |  |
Hapon nakarating ng Donsol at agaran kaming tumungo sa Barangay Dancalan kung saan matatagpuan ang Tourist Center ng bayan. Kahit pagod na pagod na kami dahil sa haba ng byahe namin at palipat lipat na terminal ay sa wakas onti-unti na naming nasisilayan ang ganda ng tabing dagat. Wala nang patumpik-tumpik pa at agad na kaming pumasok at excited na para sa whale shark viewing.
Ngunit sa pagkakataong ito ay hindi na kami pinayagan na pumunta pa sa laot dahil sa mga oras na iyon ay wala na kaming makikita pang mga Butanding. Kadalasan pala ay umaga nagpapakita ang mga malahiganteng hayop na ito. At ang dahilan ng pananatili nito sa dagat ng Barangay Dancalan ay dahil sa naghahalong tubig dagat at tubig tabang na pinakagustong tirahan ng mga butanding.
Imbes na malungkot kami sa hindi namin natuloy naadventure ay in-enjoy na lang namin ang napakagandang tanawin, ang mga maladyamanteng kinang ng tubig ng dagat, ang preskong hanging humihele at ang masarap pakinggang pagaspas ng mga alon.
Imbes na malungkot kami sa hindi namin natuloy naadventure ay in-enjoy na lang namin ang napakagandang tanawin, ang mga maladyamanteng kinang ng tubig ng dagat, ang preskong hanging humihele at ang masarap pakinggang pagaspas ng mga alon.
Pagkatapos ng konting oras ng pagpapahinga ay tumungo kami sa palengke upang bumili ng mga sariwang isda at iba pa.
Halos makikita mo dito ang iba't ibang uri ng isda dito pati na ang pating. Ang pating ay isa sa paborito ng mga Bicolano at ginagawa nila itong kinunot, isang uri ng pagkaing Bicolano, may gata at sili.
Pagkatapos naming mamalengke ay tumungo na kami sa bahay ng isang kapamilya para makituloy ng isang gabi. Maraming lumang bahay ang nananatili pa ring nakatayo sa lugar na ito. Kahit luma ang mga ito ay nananatili pa rin ang ganda at mapapansing malalaki at maluluwag ang espasyo nito.
Nagpahinga kami ulit ng panandalian at upang masulit ang isang araw na pagbisita sa Donsol ay plinano naming mag Firefly Watching kasama ang iba pang kapamilya. Masasabi ko na isa ito sa masayang adventure na pwedeng gawin sa bayan ng Donsol. Kung kayo ay mapapagawi dito, siguradong huwag na huwag nyo itong palalampasin.
Kinabukasan ay nagtungo kami sa Legazpi City para mamasyal at doon na rin sumakay patungo sa Manila.
Sa gandang taglay ng Donsol, kami ay muling magbabalik. Ang naudlot naming Whale Shark Viewing ay aming isasakatuparan at siguradong gagawing isang masayang karanasan. Kaya Donsol, humanda ka sa muling pagbabalik ng Tripapips! Hahahaha.
Sa gandang taglay ng Donsol, kami ay muling magbabalik. Ang naudlot naming Whale Shark Viewing ay aming isasakatuparan at siguradong gagawing isang masayang karanasan. Kaya Donsol, humanda ka sa muling pagbabalik ng Tripapips! Hahahaha.
